Notbuklar
Notbuklar, notbuk satışı, noutbuk qiymətləri.
Notbuklar müasir kompüter modelləri olmaqla dövrün ən çox tələbat olan rəqəmsal qurğularından biridir. Notbuk öz portativ dizaynı ilə rahat daşınmanı təmin edir ki, bu da onun populyarlığının əsas səbəbidir.
Notbuklar istifadə sahələrinə görə bir neçə tipə bölünürlər:
Gaming notbuklar-oyun və qrafika üçün notbuklar: güçlü videokartı olan, güclü prossesorlu, böyük operativ yaddaşlı noutbuk modelləri.
Standart notbuklar-ev, təhsil və iş üçün notbuklar: orta sürətli olmaqla, ən çox tələbat olan notbuk modelləri.
Ultrabuklar və ya biznes üçün notbuklar: Portativ olmaqla, yüngül, gözəl dizaynlı, prestijli notbuk modelləri.
Noutbuk almaq istəyən, lakin noutbuklar haqqında tam məlumatı olmayan müştərilərimiz üçün aşağıdakı məlumat faydalı ola bilər:
1. CPU-Noutbukun prosessoru mərkəzi əməliyyat qurğusu olmaqla kompüterdə beyin funksiyasını yerinə yetirir. Buradan aydındır ki, noutbukun prosessoru onun ən vacib hissəsidir. Sadə və eyni zamanda ucuz noutbuklarda, yəni ki internet üçün, dərs üçün, mühasibat işləri üçün noutbuklarda İntel Celeron, İntel Pentium, İntel Pentium Gold, İntel Pentium Silver, İntel Core İ3, AMD Athlon, AMD Ryzen 3 prosessorlar kifayətdir. Qrafik işlər üçün noutbuk və ya oyun üçün noutbuklar üçün isə İntel Core i5, İntel Core i7, İntel Core i9 və AMD Ryzen 5, AMD Ryzen 7, AMD Ryzen 9 kimi prosessorların seçilməsi tövsiyyə olunur.
2. RAM-Noutbukun əməliyyat yaddaşı olmaqla, yalnız noutbuk işləyən zaman məlumatın yükləndiyi və emal edildiyi qurğudur. Demək, RAM yaddaşı nə qədər böyük olarsa noutbuk o qədər rahat işləyər. Qrafik işlərdə, oyunlarda əməliyyat yaddaşının böyük olması vacibdir. Ev və təhsil üçün , mühasibat işləri, dərslər üçün noutbuklarda 4GB və ya 8GB RAM kifayət etsə də, oyunlar və qrafik işlər üçün noutbuklarda 8GB, 16GB və daha yüksək RAM olması tövsiyyə edilir.
3. SSD və ya HDD- Noutbukun daimi yaddaşı-SSD və HDD deyilən qurğu məlumatın yazılaraq daimi saxlandığı qurğudur. SSD yaddaş qurğusu HDD yaddaş qurğusundan daha müasir və sürətlidir. Bu qurğunun böyük olması işin sürətinə təsir etmir və yalnız məlumatın ölçüsünə görə seçilməsi məqsədəuyğundur. Standart işlər üçün noutbuklarda, internet, ofis və ya təhsil üçün notebooklarda 128Gb, 256Gb SSD qurğuları kifayət etsə də, qrafik dizayn üçün noutbuklarda, oyun noutbuklarında 512GB SSD və ya 256Gb SSD+1TB HDD kombinasıyaları məsləhətdir.
4. VGA-Noutbuk videokartı onun qrafik işlərdə görüntünü emal edərək ekrana ötürən daxili elementidir. Əgər aldığımız notebook qrafik işlər və ya oyun üçün nəzərdə tutulmayıbsa, “onboard videocard” deyilən İntel və ya AMD videokartlar kifayətdir. Qrafik işlər və ya oyun noutbuklarında isə nVidia Geforce GTX seriya, nVidia Geforce RTX , AMD Radeon RX, AMD Radeon RX XT seriya ayrıca videokarların olması vacibdir.
5. EKRAN-Noutbuk ekranları ilk növbədə ölçüsü, daha sonra isə görüntü keyfiyyəti ilə fərqlənirlər. Biznes noutbukları, portativ noutbuklar- yəni rahat daşınması nəzərdə tutulan noutbukları kiçik ekranlı, daimi iş masası üstündə olan noutbukları isə daha böyük ekranlı götürmək məsləhətdir. Noutbuk ekranının daha bir özəlliyi onun tezliyidir ki, bu element əsasən oyunlarda öz fərqini hiss etdirir. Oyunlar üçün notbuklar seçərkən ekran tezliyinin 144Hz və ya daha yüksək olmasını tövsiyyə edirik.
6. ŞƏBƏKƏ-Noutbukun digər parametrləri onun Wifi, Bluetooth, LAN deyilən şəbəkə qurğularıdır ki, bunlar noutbuklarda adətən çox fərqlənməsələr də, yüksək ötürücülük tələb edən oyunlarda, ofis şəbəkələrində 1Gb/san sürətli şəbəkə kartlarına ehtiyyac vardır.
7. Əlavə imkanlar: səs sistemləri, vebkameranın görüntü keyfiyyəti, klaviaturanın işıqlı olub-olmaması, barmaq izi funksiyaları ilə fərqlənə bilər.
8. Zəmanət. Əgər almaq istədiyiniz noutbuk istehsalçı tərəfindən yaşadığınız regiona uyğun istehsal olunaraq rəsmi olaraq göndərilmişdirsə, bu halda noutbukun zəmanəti barədə narahat olmaya bilərsiniz. Əldə etdiyiniz məhsulun mütləq rəsmi servis mərkəzinin zəmanəti altında olması vacibdir.
Mağazamız dünyanın ən yaxşı noutbuk istehsalçıları olan Asus, HP, Lenovo, Acer, Dell, MSİ noutbuklarını ən aşağı qiymətlə, rəsmi zəmanətlə təklif edir.
Noutbuk qiymətləri ilə tanış olmaq, noutbuk almaq istəyirsinizsə, peşəkar əmakdaşlarımız Sizə dolğun məlumatlar verəcək, tələbatınıza uyğun noutbuk seçməyinizdə yardımçınız olacaqlar.
Mağazamız noutbukların nəğd və ya BirKart, TamKart vasitəsilə taksitlə satışını, noutbukların onlayn sifarişlə çatdırılmasını təklif edir.