Misal üçün, axtarıram: HP Pavilion

Ən yaxşı noutbuk hansıdır?

9142

Noutbuk almaq üçün nələri bilmək vacibdir?

Noutbuk seçimini necə etmək mümkündür?

Noutbuk almaq istəyərkən düşündüyümüz ilk sual bunlardır. Notebook seçimi edən zaman ən aşağı qiymətə və ən əsası da ən yaxşı noutbuku əldə etmək istəyirik. Bu məsələdə müəyyən etməli olduğumuz ilk element noutbukun modelidir. Noutbuk modeli müəyyən edildikdən sonra həmin modelin Bakı şəhərində ən ucuz qiymətini müəyyən etmək üçün https://www.google.az saytında axtarmaq yetərlidir. Noutbuklar və noutbuk seçimi üçün vacib olan parametrlərinin qısa izahını təqdim edirik.

1. CPU-Noutbukun prosessoru mərkəzi əməliyyat qurğusu olmaqla kompüterdə beyin funksiyasını yerinə yetirir. Buradan aydındır ki, noutbukun prosessoru onun ən vacib hissəsidir. Sadə və eyni zamanda ucuz noutbuklarda, yəni ki, internet üçün, dərs üçün, mühasibat işləri üçün noutbuklarda İntel Celeron, İntel Pentium, İntel Pentium Gold, İntel Pentium Silver, İntel Core İ3, AMD Athlon, AMD Ryzen 3 prosessorlar kifayətdir. Qrafik işlər üçün noutbuk və ya oyun üçün noutbuklar üçün isə İntel Core i5, İntel Core i7, İntel Core i9 və AMD Ryzen 5, AMD Ryzen 7, AMD Ryzen 9 kimi prosessorların seçilməsi tövsiyyə olunur.

2. RAM-Noutbukun əməliyyat yaddaşı olmaqla, yalnız noutbuk işləyən zaman məlumatın yükləndiyi və emal edildiyi qurğudur. Demək, RAM yaddaşı nə qədər böyük olarsa noutbuk o qədər rahat işləyər. Qrafik işlərdə, oyunlarda əməliyyat yaddaşının böyük olması vacibdir. Ev və təhsil üçün , mühasibat işləri, dərslər üçün noutbuklarda 4GB və ya 8GB RAM kifayət etsə də, oyunlar və qrafik işlər üçün noutbuklarda 8GB, 16GB və daha yüksək RAM olması tövsiyyə edilir.

3. SSD və ya HDD-Noutbukun daimi yaddaşı-SSD və HDD deyilən qurğu məlumatın yazılaraq daimi saxlandığı qurğudur. SSD yaddaş qurğusu HDD yaddaş qurğusundan daha müasir və sürətlidir. Bu qurğunun böyük olması işin sürətinə təsir etmir və yalnız məlumatın ölçüsünə görə seçilməsi məqsədəuyğundur. Standart işlər üçün noutbuklarda, internet, ofis və ya təhsil üçün notebooklarda 128Gb, 256Gb SSD qurğuları kifayət etsə də, qrafik dizayn üçün noutbuklarda, oyun noutbuklarında 512GB SSD və ya 256Gb SSD+1TB HDD kombinasıyaları məsləhətdir.

4. VGA-Noutbuk videokartı onun qrafik işlərdə görüntünü emal edərək ekrana ötürən daxili elementidir. Əgər aldığımız notebook Qrafik işlər və ya Oyun üçün nəzərdə tutulmayıbsa, “onboard videocard” deyilən İntel və ya AMD videokartlar kifayətdir. Qrafik işlər və ya oyun noutbuklarında isə nVidia Geforce GTX seriya, nVidia Geforce RTX , AMD Radeon RX, AMD Radeon RX XT seriya ayrıca videokarların olması vacibdir.

5. EKRAN-Noutbuk ekranları ilk növbədə ölçüsü, daha sonra isə görüntü keyfiyyəti ilə fərqlənirlər. Biznes noutbukları, portativ noutbuklar- yəni rahat daşınması nəzərdə tutulan noutbukları kiçik ekranlı, daimi iş masası üstündə olan noutbukları isə daha böyük ekranlı götürmək məsləhətdir. Noutbuk ekranının daha bir özəlliyi onun tezliyidir ki, bu element əsasən oyunlarda öz fərqini hiss etdirir. Oyunlar üçün notbuklar seçərkən ekran tezliyinin 144Hz və ya daha yüksək olmasını tövsiyyə edirik.

6. ŞƏBƏKƏ-Noutbukun digər parametrləri onun Wifi, Bluetooth, LAN deyilən şəbəkə qurğularıdır ki, bunlar noutbuklarda adətən çox fərqlənməsələr də, yüksək ötürücülük tələb edən oyunlarda, ofis şəbəkələrində 1Gb/san sürətli şəbəkə kartlarına ehtiyyac vardır.

7. Əlavə imkanlar: səs sistemləri, vebkameranın görüntü keyfiyyəti, klaviaturanın işıqlı olub olmaması, barmaq izi funksiyaları ilə fərqlənə bilər.

8. Zəmanət. Əgər almaq istədiyiniz noutbuk istehsalçı tərəfindən yaşadığınız regiona uyğun istehsal olunaraq rəsmi olaraq göndərilmişdirsə, bu halda noutbukun zəmanəti barədə narahat olmaya bilərsiniz. Əldə etdiyiniz məhsulun mütləq rəsmi servis mərkəzinin zəmanəti altında olması vacibdir.

Yuxarıda sadaladığımız elementlərin Sizin tələblərinzə uyğun olanlarını seçməklə almaq istədiyimiz noutbukun parametrlərini dəqiqləşdirmiş oluruq. Yüksək tələbləri olan oyunlar, AutoCad, Archicad, 3D Studio MAX kimi işlər üçün ucuz noutbuklar almaq doğru olmadığı kimi, sadə işlər üçün də güclü və uyğun olaraq da baha noutbuk almaq doğru deyildir.

Bundan sonrakı mərhələdə rəğbət bəslədiyiniz notebook şirkətinin uyğun dizaynlı modelini seçə bilərsiniz. Demək, ən yaxşı noutbuk bizim tələblərimizə kifayət edən noutbukdur. Noutbukun qiyməti isə əsasən parametrlərinə görə, qismən isə noutbuk istehsalçısının adına görə dəyişə bilər. Ən yaxşı notebook istehsalçıları olaraq HP, Asus, Lenovo, Dell, Acer, MSİ, Gigabyte kimi markalardan seçim etmək olar.

Ən güclü notebooklar, ən yaxşı noutbuk modelləri, ən yaxşı kompüterlər və printerlər, eləcə də informasiya texnologiyaları sahəsində ən müasir qurğular haqqında Bloq səhifəmizdə maraqlı məlumatıar əldə edə bilərsiniz.

NoteComp