Asus oyun noutbuklarını necə seçməli?
Burada əsasən Asus noutbukları üzərində danışsaq da, bu istənilən oyun noutbukunun seçimi zamanı faydalı ola biləcək mövzudur. Asus oyun noutbuku almaq istəyiriksə, ilk növbədə bu oyun noutbukundan gözləntilərimizi və oynayacağımız oyunların tipini dəqiqləşdirməliyik.
Onlayn oyunlar, 2D qrafikalı oyunlar. Bu oyunlar üçün xüsusi parametrlərə malik olmayan istənilən yeni Asus noutbuku kifayətdir. Bu məqsəd üçün çəki və qiymət baxımından yüksək olan gaming notebooklar dediyimiz noutbuklara ehtiyac yoxdur. Bu məqsədlə Asus X seriyası, Asus Vivobook seriyası və Asus Zenbook kimi incə ultrabuklar belə kifayətdirlər.
Ən son 4K Gaming tələbatlı oyunlar. Bu oyunlar üçün əldə edəcəyiniz noutbuklar parametrlər baxımından ən yüksək olmalıdırlar, yəni ki bu seriyada artıq parametr limiti haqqında danışmayacağıq.
95 faiz müasir oyunların tələb etdiyi Full HD tələbatlı oyunlar. Bu məqsəd üçün Asus şirkətinin təklif etdiyi qiymət və parametrlər baxımından başlanğıc olan Gaming seriya notebookları olan, hazırlanmasında Intel Core i5 / AMD Ryzen 3 kimi prosessorlar, nVidia GTX1650/ nVidia GTX1660 и AMD RX560X kimi videokartlar, 256GB/512GB SSD və ya SSD+HDD kombinasiyaları istifadə olunmuş ASUS TUF Gaming noutbuklarından başlayaraq bütün Asus oyun noutbukları tövsiyyə olunur.
Asus oyun noutbukları dedikdə ilk təsəvvürümüzə gələn ASUS ROG- ASUS Republic of Gamers oyun noutbuklarıdır. ASUS şitrkəti ROG oyun notebooklarının istehsalına 2006-cı ildən başlamışdır. 15 il ərzində ASUS ROG seriya noutbukları oyun noutbukları modelləri arasında həqiqi liderliyə sahib olmuş və onu qoruyub saxlamışdır. ASUS Republic of Gamers noutbukları özlüyündə bir neçə seriyalara bölünür və bu seriyalar:
ASUS ROG
Asus ROG Strix
Asus ROG ZEPHYRUS
Sadəcə ASUS ROG adlanan noutbuklar orta oyun qarafikasına malik notebooklardırlar. Asus ROG Strix adlanan noutbuklar daha top seriya olmaqla RTX videokartlara, Asus ROG ZEPHYRUS noutbukları isə yüksək parametrlərdən, o cümlədən top seriya qrafik kartlardan başqa həm də xüsusi dizayn özəlliklərinə malikdirlər.
Mətn:Asus oyun noutbuklarını necə seçməli?
