Noutbuk yoxsa masaüstü kompüter?
Kompüter almaq üçün hər hansı bir kompüter mağazasına yaxınlaşdığımız zaman bizdən ilk soruşulacaq sual bunlar ola bilər:
- Almaq istədiyiniz kompüterdə hansı işləri görməyi düşünürsünüz?
- Bu kompüterdə standart ofis və internet proqramlarından başqa hansısa xüsusi bir proqram istifadə etməyi düşünürsünüzmü?
Bu suallara cavabınız alacağınız kompüterin gücünü təyin etmək üçün vacibdir.
Görüləcək işin müəyyən edilməsi kompüterin minimal parametrlərini müəyyən etməyə imkan verir. Kompüterin parametrləri dedikdə biz onun prosessorunun gücü, yaddaşının ölçüsündən başqa həm də bu kompüterin xarici quruluşunu nəzərdə tuturuq.
Noutbuk yoxsa masaüstü kompüter?
Bu məsələdə doğru qərara gəlmək üçün hər iki kompüter tipinin üstün və çatışmayan cəhətlərini bilmək lazımdır. Beləliklə, hər iki kompüter tipinin üstün və çatışmayan cəhətlərini sadalayaq:
Masaüstü komputerlərin üstünlükləri:
Masaüstü kompüterlər ilk novbədə ən güclü kompüterlər olmaq imkanına malikdirlər. Bu onların ölçülərinin yüksək soyutma sistemlərinin, böyük tutumlu yaddaş qurğularının, ən güclü videokart modellərinin onların daxilinə yerləşdirilməsinə imkan verməsidir. Bir məsələni yadda saxlamaq lazımdır ki, masaüstü kompüterlərdə olan prosessor, videokartlar noutbukdakından daha güclü olurlar. Bunun da əsas səbəbi soyutma sistemlərinin daha güclü olmasıdır. Masaüstü kompüterlərin digər üstün tərəfi bu kompüterlərin açıq arxitekturalı olmasıdır. Bu imkandan yararlanaraq zamanla kompüterin parametrlərində yenilənmələr etmək imkanı daha genişdir. Masaütsü kompüter modelləri böyük ekrana malik olurlar ki, bu da qrafik işlər, cədvəllər, oyunlar üçün əvəzolunmaz rahatlıq və effekti təmin edir. Ayrıca tam ölçülü klaviatura və maus iş sürəti və rahatlığı baxımından masaüstü kompüterin müsbət tərəfidir.
Masaüstü kompüterlərin çatışmazlıqları:
Masaüstü kompüterin ən çox diqqət çəkən mənfi tərəfi onun ölçüləridir. Bu kompüter üçün evinizdə ayrlca bir yer ayırmalısınız. Masaüstü kompüterlər çox zaman ayrı-ayrı hissələrdən hazırlandıqları üçün bu computer modellərinə noutbuklardan fərqli olaraq simsiz əlaqə vasitələrini (Wifi, Bluetooth) , vebkamera və səs qurğularını ayrıca əlavə etmək lazımdır. Digər bir məsələ isə bu komputerin qida mənbəyindən asılı olmasıdır. Masaüstü kompüterlərdə noutbuklarda olduğu kimi batareya yoxdur. UPS deyilən kəsilməz qida mənbələri isə uzunmüddətli iş üçün deyildir (5-15 dəqiqə təxminən).
Noutbukların üstünlükləri:
Noutbukların kiçik ölçülü olmaları onları digər kompüter modellərindən fərqləndirən əsas və ən müsbət cəhətdir. Kiçik ölçü və aşağı çəki onları daşınabilən edir. Biir sözlə Siz harada-noutbukunuz da orada! Bundan əlavə noutbuklar malik olduqları batareya hesabına saatlarla avtonom işləmək imkanına malikdirlər ki, bu da onları eletrikdən az asılı edir. Noutbuklar öz kiçik olçülərinə baxmayaraq bütün müasir imkanlara, o cümlədən veb kamera, wifi, bluetooth, mikrofon və s. malikdirlər.
Noutbukların çatışmazlıqları:
Noutbuklar protativ kompüterlər olduqları üçün ekran ölçüləri də kiçikdir. Noutbuk modellərinin hazır zavod məhsulu olmaları , hər bir modelin də özəl daxili və xarici quruluşa malik olması gəlcəkdə onların daxilində dəyişiklikləri, artırmaları nisbətən məhdud edir.
Yuxarıda saydıqalrımızı ümumiləşdrisək:
- Güc: Stolüstü kompüterlər daha üstündür.
- Qiymət: Eyni güclü masaüstü kompüter daha ucuzdur, yəni üstündür.
- Daşınma imkanı: Noutbuklar üstündür.
- Sonradan artırma imkanları: Masaüstü kompüterlər üstündür.
- Əlavə imkanlar-Noutbuklar üstündür. Ən sadə noutbukda belə Wifi, Bluetooth, Kamera vardır.
Yuxarıda göstərilən məlumatlara malik olduğumuz halda artıq alacağımız kompüterin tipini müəyyən etməyimiz çətin deyildir.
Qərarımız aşağıdakı iki suala cavabdan ibarət olmalıdır:
- Noutbukların və masaüstü komputerlərin hansı müsbət tərəfi bizimçün əvəzolunmazdır?
- Hansı çatışmaz cəhəti güzəştə gedə bilərik?
Komputer almaq, komputer modelləri və qiymətləri haqqında daha dolğun və ətraflı məlumat üçün mağazamızın əməkdaşlarından geniş və peşəkar məlumatlar ala bilərsiniz. Tel: +994125115271
Mətn: (Noutbuk yoxsa masaüstü kompüter?)
