Copilot nədir?
Copilot nədir?
Süni intellet nədir?
Süni intellekt proqramları necə işləyirlər?
Copilot, Microsoft şirkətinin süni intellekt yönümlü proqram təminatıdır.
Copilotun əsas funksiyaları bunlardır:
• Məlumat formalaşdırma: İnternetdən (Web-dən) məlumatları toplamaq və onu yığcam, anlaşıqlı şəkildə təqdim etmək.
• Təqdimat Hazırlığı: Sənədlər və təqdimatlar yaratmaq, redaktə etmək və optimal formada təqdim etmək.
• İnsanlarla əlaqə: Müxtəlif mövzularda istifadəçilərlə ünsiyyət qurmaq, onların suallarına cavab vermək və məlumat baxımından dəstək olmaq.
• Yaradıcılıq: Şeir, mətn, təsvir və ya başqa yaradıcılıq məhsulları yaratmaq.
Copilot necə işləyir?
Copilot və eləcə də digər süni intelekt proqramlarının iş prinsipi bir çox insanı heyran etməklə yanaşı eyni zamanda onlarda sual yaradır:
• Süni intelekt proqramları necə işləyirlər?
• Necə olur ki, bu proqramlar istənilən mövzuda bu qədər real fikirlər bildirə, insanla həmsöhbət ola bilirlər?
Məsələ ondadlr ki, Sİ (süni intelekt) proqramlarının əsas hissəsi proqram alqoritmləri olsa da, onların məlumat mənbəyi bizik. İnsanların illərlə virtual məkana yerləşdirdikləri fikirlər, əl işləri, məqalələri,videolar, şəkillər, hətta hissləri və duyğularını ifadə etdikləri yazılar süni intelekt proqramlarının “xammal bazası” dır. Süni intelekt proqramları bu məlumatları toplu şəkildə analiz edərək ümümi fikir və ya mənaları müəyyən edir, verilən suallara bu məlumatlar əsasında formalaşdırdığı cavablar verir. Bu səbəbdən də cansız proqramların yaratdıqları mətnlər və fikirlər bizə bu qədər yaxın ola bilir.
Copilot ödənişlidirmi?
Copilot proqramı sadə Copilot və Copilot Pro versiyalarında təqdim olunur. Sadə versiya ödənişsiz olsa da, Copilot Pro ödənişlidir. Copilot Pro proqramına abunəçiliyə Microsoft tərəfindən fərqli ölkələrdə fərqli qiymətlər təklif olunur. Copilot Pro-nun orta aylıq abunə qiyməti təxminən 20$ ətrafındadır. Digər proqram məhsullarında olduğu kimi burada da ödənişli və ödənişsiz versiyalar imkanlar baxımından fərqlənirlər. Bəzi ölkələrdə illik ödəniş üçün endirimlərlər təklif edilir.
Yuxarıda qeyd etdiyimiz kimi Copilot PRO ödənişlidir, lakin Microsoft şirkəti Office 365 abunəçilərinə bu proqramın istifadəsinə güzəşt tətbiq etməyi qərara almışdır. Artıq Office 365 abunəçiliyi olan istifadəçilər təkmilləşmiş funksiyalardan yararlana bilərlər. Bu güclü Sİ (süni intelekt) məhsulu, sənəd yaratmaqdan tutmuş, iş planlamasına qədər bir çox vəzifələri asanlıqla yerinə yetirməyə kömək edir. Copilot PRO, süni intellektin imkanlarını genişləndirərək istifadəçilərə daha səmərəli işləmək üçün lazım olan bütün resursları təqdim edir. Microsoft-un bu yeniliyi ilə, iş proseslərimizi daha məhsuldar və asan emək, vaxtımıza qənaət etmək və daha sürətlə irəliyə getmək imkanımız vardır.
Bu fantastik proqram təminatı bəzən insanı heyran edə biləcək bacarıqlar nümayiş etdirə bilər. Bir sözlə, süni intelekt proqramları, o cümlədən də Copilot informasiya texnologiyalarının gələcəyə ən iri addımlarından birdir.
Copilot necə quraşdırlır?
Copilot proqramı artıq Windows 11 əməliyyat sisteminin bir komponenti kimi bribaşa yüklənir və ya artıq mövcud Windows əməliyyat sisteminə yenilənmə zamanı (Windows update) avtomatik olaraq ednirilərək quraşdırlır. Müasir notbuk modellərinin bir çoxunun klaviaturasında bu proqramın birbaşa açılması üçün artıq Copilot düyməsi mövcuddur.
